2025 жылдың 21 ақпанында Б. Соқпақбаев атындағы жалпы білім беретін мектебінде 11 сынып оқушыларына кәсіби көмек көрсету жұмыстары өтті. Мақсатымыз: түлектерге мамандық таңдау бойынша бағыт - бағдар беру және ҰБТ - 2025 жаңалықтарымен таныстыру болды.
Кәсіби бағдар беру педагогы Р. Сопбекова оқушылармен жеке және топтық кеңестер өткізіп, мамандық таңдауға байланысты сұрақтарға жауап берді. Сонымен қатар, түлектерге ҰБТ - 2025 ерекшеліктері түсіндірілді, оның ішінде тест сұрақтарының күрделене түсуі, бейіндік пәндерге енгізілген өзгерістер мен грант бөлу жүйесіндегі жаңалықтар айтылды.
Бұл шара оқушыларға болашақ мамандығын таңдауда бағыт - бағдар беріп, өздерінің қабілеттерін анықтауға көмектесетін маңызды қадам болды. Кәсіби көмек көрсету жұмыстары алдағы уақытта да жалғасатын болады.
