Құрметті ұстаздар қауымы! Аттестаттау қағидаларындағы оң өзгерістерді қолдаймын, сіздерді де қолдауға шақырамын. Қашанда білімділігі мен біліктілігінің жоғары деңгейін автоматты дәлелдей алатын мұғалім өскелең ұрпақтың жолбастаушысы, адами құндылығымызды дұрыс қалыптастыратын Тұлға болмақ. Уақыт талабына сай бағдарламаларда өзгерістердің болып отыратыны анық. Сондықтан пән бойынша тест тапсырудың маңыздылығы зор. Аттестаттаудың жаңа қағидаларында тек пән бойынша тест тапсыру, педагогика мен методиканы алып тастағаны мұгалімдер үшін жақсы жаңалық! З0 жылдан астам педагогиклық өтілі бар педагогтерді тесттен босатылуы да қуантарлық жай. Бұрынғы форматта әрбір педагог қағаз толтырып, портфолионы қағаз жүзінде жинақтап қиналатын. Тың өзгерістер нәтижесінде мұғалімнің жеке кабинеті арқылы ұлттық платформа базасында өз қызметінің нәтижелерін қалыптастыру процесінің автоматтандырылатыны халық арасындағы сенімсіздіктің жойылатындығының нақты дәлелі болмақ. Арнайы педагогтердің оқу сабағы қызметінің ерекшелігін ескере отырып бағаланауы да көңілге қонымды. Жасалып жатқан жаңа дүниенің бәрі ұстаздарымыздың деңгейінің жоғары, мәртебесінің мықты екенінің дәлелі. Ұстаздықты өмірге серік еткен педагогтер, ұрпақ үшін аянбай еңбек етейік.
Б.Соқпақбаев атындағы жалпы білім беретін мектеп директоры Е.Д.Акбердиев
