Б.Соқпақбаев атындағы жалпы білім беретін мектебінде “Адал азамат”біртұтас тәрбие бағдарламасы аяасында сынып сағаттары өткізілді .Мектеп директоры Н. Сариев, өзін-өзі басқару ұйымының мүшелері және мектеп президенті Н. Ермекбай қатысып, оқушылармен қауіпсіздік бағытындағы маңызды мәселелерді талқылады.
Шара барысында оқушыларға:
• мектеп аумағында өзін-өзі ұстау ережелері,
• бөгде адамдармен қарым-қатынас жасамау,
• киберқауіпсіздік пен әлеуметтік желідегі сақтық,
• төтенше жағдай кезіндегі әрекет ету тәсілдері,
• қоғамдық орындардағы тәртіп нормалары түсіндірілді.
7-сынып аралығында «Қоғамдық мүлікті қорғау» тақырыбында сынып сағаты өтіп, оқушыларға мектеп мүлкіне ұқыпты қарау, ортақ ортада қауіпсіздікті қамтамасыз ету және жауапкершілікпен әрекет ету жолдары түсіндірілді.
8 -сыныптар аралығында «Табиғатқа қамқорлық жасайық» атты тәрбие сағаты ұйымдастырылып, экологиялық мәдениет, табиғатты қорғау және қауіпсіз табиғи орта қалыптастырудың маңызы айтылды.
Сабақ барысында оқушылар белсенді сұрақтар қойып, қауіпсіздік мәдениеті бойынша өз ойларымен бөлісті. Мектеп басшылығы мұндай профилактикалық шаралардың оқушылардың жауапкершілігін арттыруға үлкен үлес қосатынын атап өтті.
