Түркістан облысы Шардара қаласы Б Соқпақбаев атындағы жалпы білім беретін мектебінің бейіндік оқыту жөніндегі орынбасары Г.Бердибекова мен кәсіби бағдар беру педагогы Р.Сопбекованың жұмыс жоспарына сәйкес 23.10.2024 ж күні 9 - сынып оқушыларынан "Мамандық таңдау бейімділігі" тақырыбында сауалнама алынды.Сауалнама алудың мақсаты: Оқушылардың қызығушылықтары мен бейімділіктерін анықтау, олардың қандай мамандықтарға көбірек қызығатынын және қабілеттерін бағалау. Алынған сауалнама негізінде оқушылардың бейімділігіне сәйкес мамандықтар туралы кеңес беру, бағыт - бағдар жасау. Оқушылардың қызығушылықтары мен қабілеттеріне сәйкес оқу және даму жоспарларын жасауға негіз қалау. Тұлғалық және кәсіби мақсаттарды айқындауға көмектесу – оқушыларға өз болашағын жоспарлауға, мақсат қоюға және мамандық таңдауда саналы шешім қабылдауға бағыттау.Сонымен қатар оқушылардың қызығушылықтарын қоғамдағы қажетті мамандықтармен байланыстыру арқылы еңбек нарығының талаптарын ескере отырып, оларды болашақта қажетті мамандықтарға бағыттау.
