Білім беру жүйесінің басты мақсаттарының бірі – жас ұрпақты жан-жақты дамыту, оның болашағына бағдар беру. Осы бағытта Б. Соқпақбаев атындағы жалпы білім беретін мектебінде бейіндік оқыту және кәсіби бағдар беру жұмыстары жүйелі түрде жүргізілуде.
3-сынып оқушыларымен өткен"Менің болашақ мамандығым" тақырыбындағы жұмыс оқушылардың болашақ мамандыққа қызығушылығын арттыруға бағытталды. Оқушылар әртүрлі мамандықтар туралы мағлұмат алып, сурет салу арқылы болашақта кім болғысы келетінін көрсетті. Бұл тапсырма балалардың шығармашылығын дамытуға мүмкіндік берді.
Оқушылар өз армандарын сөзбен айтып жеткізбесе де, салған суреттерінен болашаққа деген қызығушылықтары анық байқалды. Бірі ақ халатты дәрігер бейнесін бейнелесе, енді бірі ұстаз болып балаларға білім беріп тұрған кейіпте өзін көрсетті. Мұндай жұмыстар олардың қиялын шындыққа жақындатып, болашақ мамандығына деген алғашқы қадам жасауына жол ашатыны сөзсіз.
