Түркістан облысы Білім басқармасының "Білім беруді дамыту орталығының" жұмыс жоспарына сәйкес, 09.10.2024 хаты негізінде, Шардара аудандық Білім бөліміне қарасты Б. Соқпақбаев атындағы жалпы білім беретін мектебінде 14-24 қазан күндері аралығында "Аралас мектептерде мемлекеттік тілдің оқытылу сапасын жетілдіру" жобасы аясында "Аралас мектептердегі мемлекеттік тілдің оқытылу сапасын арттыру: мақсат, функционалды сауаттылық, патриотизм" тақырыбында онкүндік өтуде. Жоспарға сәйкес, 18 қазан күні “Алаш ардақтыларының ұлттық идеялары және педагогикалық шығармаларының қайта жаңғыруы” тақырыбында ғылыми-тәжірибелік конференция өтті. Қазақ тілі мен әдебиеті пәні мұғалімі Алайдарова Л.Қ Алаш ардақтыларының бірі Мағжан Жұмабаевтың “Пидагогика” еңбегіндегі оқушы қиялын дамыту тұжырымдарының бүгінгі оқытудағы мән-маңызына тоқталып,талдап көрсетті.
Конференция барысында қатысушы мұғалімдер баяндамада қозғалған ой бойынша пікір алмасты. Бұл шара Алаш қайраткерлерінің ұлт тәуелсіздігі мен білім саласындағы ұстанымдарын терең түсінуге мүмкіндік берді.
