Бүгін халықтың арын іздеп, өзінің ойға алған ісі үшін басын бәйгеге тіккен ұлтымыздың ардақты перзенті, Алаш қозғалысының қайраткері Ахмет Байтұрсынұлының туғанына 151 жыл толды.
Қазақ әліпбиінің негізін салған ғалымның құрметіне орай белгіленген Қазақстан халқы тілдерінің күні мерекесін атап өту үшін мектебімізде қазақ тілі мен әдебиеті пәні бірлестігінің ұйымдастыруымен "Тіл - адамның адамдық белгісінің зоры, жұмсайтын қаруының бірі" тақырыбында онкүндік жоспарланып, бүгін салтанатты түрде ашылды. Шара мақсаты: ” Ұлттың сақталуына да, жоғалуына да себеп болатын нәрсенің қуаттысы-тіл” деп ұлағатты сөз қалдырған ұлт ұстазының мұраларын оқушы бойына сіңіру, тереңіне бойлату.