Шардара ауданының білім бөлімі Түркістан облысының білім басқармасының № 1 хаттамалық тапсырмасына сәйкес, 2025 жылдың қаңтар айы “Ұлттық фильм” айлығы деп белгіленіп,барлық білім беру ұйымдарында дәстүрлі түрде ұйымдастыру ұсынылған. Шара тәрбиелік мәні терең фильмдер арқылы оқушылардың рухани дамуына үлес қосуды әрі адамгершілік қасиеттерін арттырып, саналы тұлға қалыптастыруды мақсат тұтады.
Бердібек Соқпақбаев атындағы жалпы білім беретін мектебінде 27 қаңтардан бастап “Ұлттық фильм” айлығы басталды. 1 - 11 сынып оқушыларына ұлттық фильмдерді көрсету және насихаттау мақсатында кинофильмдер оқушылардың жас ерекшеліктеріне қарай көрсетілді. “Менің атым Қожа”, “ Қыз Жібек”, “Батыр Баян”, “Оян, қазақ!”, “Жау жүрек мың бала”, Ұлт ұстазы, Ахмет”, “Ұстаз”, “Абай”, “Құнанбай”, “Бауыржан Момышұлы” фильмдері көрсетіліп, оқушылар бір-бірімен пікір алмасып,өзара талқыланды. Көрсетілген фильмдердің оқушыларға берер тағылымы орасан зор болды. Оқушылар көрген фильмдерінен керемет әсер алды деуге болады.
